Abitur 2019
Unsere Abiturienten
Herausragende Ergebnisse
Musikalische Umrahmung
I vagiss de Zeit nia am Ignaz (S. Sattlberger)
Vor 8 Johr, i woas no ganz genau,
I ois gloans Diandl in mein Diandlgwand
Bin gstandn vor dieser Schui mit große Augn und am ganz aufgregtn Gfui.
De Schui war so grouß und i selba so gloa
1000 Räume, valaffn hob i mi oft gnua
Ois war so andas ois in meina Grundschui dahoam
Da Weg dohi vui weida und de Leid in da Stod ham ned „Griasde“ zu mia gsogd!
Doch ganz schnai hob i mi do eiglebt, des is wos bsondas do
Wia a große Familie ko ma so song
Lauta liabe Leid , de ma ghoiffn ham
Und i bin stoiz drauf, do gwen zum sei
Und es bleibt nua no zum song:
I vagiss de Zeit nia do am Ignaz,
Weil jedes Johr so schee war und i eich so gern hob.
I wead des olles vamissn und i dank eich für ois
Denn egal wos war a jeda Lehrer hod ghoiffn
I vagiss de Zeit nia … i vagiss de zeit nia … weils wos bsondas war!
Wia schnai de Zeit vaganga is,
Des wead ma jez erst richtig klar
I muas jez geh, a neia Abschnitt beginnt.
Doch i denk mit am Lacha an de Zeit zruck,
A wenn de letzte ned so einfach war.
I war vui krank und hob mi einegsteigert in de Lernerei
Doch des wos bleibt, doch des wos bleibt
San de Momente in meim Kopf, de san für ewig ja,
In denen i ganz vui freid an dieser Schui ghabd hob!
I vagiss de Zeit nia do am Ignaz …
Galerie
